

Դեկտեմբերի 11 -ին,ՀԳՊԱ Գյումրու մասնաճյուղում բացվեց «Մեր ժամանակակիցները» խորագրով դիմաքանդակների ցուցահանդես:


Նոյեմբերի 25-ին՝ Բաուհաուզի հարյուրամյակի շրջանակներում, Հայաստանի Գեղարվեստի պետական ակադեմիայի Գյումրու մասնաճյուղում բացվեց «Բաուհաուզի կանայք» խորագրով


Գեղարվեստի պետական ակադեմիայի Գյումրու մասնաճյուղի Արվեստի նորարարական կենտրոնը կատարում է ընդունելություն 6-15 տարեկանների համար:


Արվեստաբանները կրկին անգամ ուղևորվեցին
ուսումասիրելու Շիրակի մարզի պատմամշակութային վայրերն ու ճարտարապետական հուշարձանները:
Այս անգամ՝ նշանակետ էր ընտրվել Հառիճի վանական համալիրը, Արթիկի Մեծ և Արթիկի Փոքր
եկեղեցիները:
Ուսանողները բացօթյա դասի ընթացքում բացի յուրացված նյութից անմիջական կերպով, իրենց սեփական աչքերով ծանոթացան
և ուսումնասիրեցին միաջնադարյան հայկական ճարտարապետությանը բնորոշ շինությունները,
եկեղեցիների տիպերն ու ոճային առանձնահատկությունները:
Առաջին կանգառը 7-13 դարում կառուցված
Հառիճի վանական համալիրն էր կամ Ղփչաղավանքը: Ինչպես գիտենք՝ վանքի գլխավոր եկեղեցին
Ջաքարե և Իվանե Երկայնաբազուկների հրամանով կառուցված խաչաձև-գմբեթավոր մեծաչափ շինությունն
է /13-րդ դար/, իսկ հնագույն շինությունը
5-րդ դ. կառուցված Ս.Գրիգոր մաստարայատիպ եկեղեցին է: Հառիճավանքը հայտնի է նաև իր
շուրջը հյուսված լեգենդներով, որի մասին պատմեցին նաև տեղացիները:
Հաջորդ վայրը, որ այցելեցինք Արթիկ քաղաքն
էր, որտեղ գտնվում են հայ ճարտարապետության
հայտնի մյուս երկու եկեղեցիները՝ խաչաձև հատակագծով
Սբ. Գևորգը կամ Գրիգոր Լուսավորիչ /7-րդ դար/
և բազիլիկ-կենտրոնագմբեթ Սբ. Մարինե կամ Աստվածածինը /5-րդ դար/ և ավելի ուշ շրջանի
գերեզմանոց դամբարանները, յուրահատուկ խաչքարերով:
Հարևանությամբ գտնվող երկու եկեղեցիներն էլ կիսավեր
վիճակում են գտնվում: Այստեղ՝ հնարավորություն
ընձեռնվեց ուսումնասիրել եկեղեցիների ճարտարապետական տարրերն ու շինարվեստը, քանի որ
ակնհայտ երևում էին բոլոր դետալները: Պետք է նշել, որ 5-րդ դարի եկեղեցու տարածքում
պեղումներ էին իրականացվել:
Եկեղեցու շրջակայքում դամբարաններ են: Հիմնականում քրիստոնեական թաղումներ են կատարվել:
Հնագետների ենթադրություններով՝ քահանաներ
են եղել, որոնց հուղարկավորել են եկեղեցու տարածքում:Հնավայրի վերին մշակութային շերտը
թվագրվում է 1800-ականներին: Այդ ժամանակաշրջանի գտածոն թոնիրն է ու եկեղեցու ջրատար
համակարգը: Կավե խողովակաշարը Արթիկի սարերի բնական աղբյուրների ջուրը հասցրել է եկեղեցուն
ու հարակից կացարաններին: /1/
Գյուղացիների խոսքերով՝ տարածքի հետագա
ուսումանսիրություններն ու եկեղեցու վերանորոգումը նախատեսվում է ապագայում, իսկ մեր՝ արվեստաբանների բացահայտումները՝ շարունակվելու
են նաև առաջիկայում:






«Գործվածքների ոճավորում»
Հոկտեմբերի 22 -ին՝ Հայաստանի գեղարվեստի պետական ակադեմիայի Գյումրու մասնաճյուղում տեղի ունեցավ «Գործվածքների ոճավորում» խորագիրը կրող ցուցահանդես, որը կազմակերպել են





|
|
|
|
|
|
Հոռոմ (Օրոմ), գյուղը գտնվում է Հայաստանի Շիրակի մարզում, մարզկենտրոնից 19 կմ հարավ, Մանթաշ գետի ձախ և աջ ափին։ Տները տուֆակերտ են, թեք տանիքով:
Առաջին կանգառը՝ 1861թ.-ին կառուված սուրբ Հռիփսիմե երկնավ բազիլիկ տիպի եկեղեցին էր:
|
|
|
Դռնից արդեն պարզ էր, թե ուր ենք մտնում: Առաջին հայացքից նկատեցինք ամբողջովին փլուզված տանիքը: Սակայն ինչն է ապշեցնող: Եկեղեցու պատերը շարված են տարբեր չափսերի քարերից: Շինության ստորին հատվածը շարված է խոշոր քարերով, որքան վերև է բարձրանում, քարերի չափսերը դառում են ավելի փոքր: Եկեղեցին հիմնականում կառուցված է կարմիր տուֆով, որը բնորոշ է տվյալ բնակավայրին:
|
|
|
Վստահաբար այն կրել է բավականին շատ արհավիրքներ, որը վկայում է երկու կողային մասից երևացեղ ճաքերը՝ մասամբ վերանորոգված:
Եկեղեցու տակ հայտնաբերվել է ավելի հին եկեղեցի: Կարծես եկեղեցին անցել է դարերի հորձանութով և մինչև վերջ չէր էլ կառուցվել, կամ գուցե այն վերանորոգվել է ժամանակի ընթացքում:
Շրջանցելով կամարներն ու սյուները հասանք դեպի խուց տանող անցուղիներով և բարձրացանք ավանդատան երկրորդ հարկ, որտեղ կար մեկ լուսամուտ: Պատերն էլ բավականաչափ ամուր էին մնացել:
Խորհրդանշական էր նաև եկեղեցու բակում ապրող շունը, կարծես թե եկեղեցու պահապանը լիներ:
Հաջորդ կանգառը «Թուխ Մանուկ» մատուռն էր: Այն գտնվում է գյուղի ծայրամասում՝ գերեզմանատան միջին հատվածում: Շինությունն աչքի ընկավ փոքրիկ, տանիքի վրա գտնվող երկաթե խաչով: Մատուռը փոքրաչափ էր, այն համարվում է սուրբ և բուժիչ, կան նաև ուխտագնացության օրեր։ Կա տեսակետ, որ «Թուխ Մանուկ» սրբավայրերը կապված են հեթանոսական Հայաստանում հերոս նախնիների՝ «Թուխ Մանուկների» պաշտամունքի հետ, որով դաստիարակվել են միություններում համախմբված պատանիները: «Թուխ Մանուկ» մատուռներ կան նաև Հայաստանի մյուս մարզերում: Գեղարքունիկի մարզի՝ Վարդենիկ գյուղում, Մարտունի՝ Գոմերի մոտի Ս. Գևորգ-Թուխ Մանուկ, Գեղհովիտի Թուխ Մանուկ, Լիճքի Թուխ Մանուկ, Ներքին Գետաշենի Թուխ Մանուկ, Կարմիր գյուղի Թուխ Մանուկ, Շիրակի մարզում՝ Կաքավասարի Թուխ մանուկ մատուռ և այլն:
|
|
|
Շիրակի մարզի Հոռոմ գյուղի Թուխ Մանուկ մատուռի պատերը ներսից երկշերտ էին: Պարզ էր, որ այն վերանորոգվել է ժամանակի ընթացքում: Նկատեցինք երկու շերտ, ներսից երևում էր տուֆով վերականգնված հատված, իսկ մյուս շերտը ուներ կիկլոպյան կառուցվածք: Հատակը պատված էր տապանաքարերով, որոնց վրա հստակ երևում էին խաչերը: Պատերն էլ զարդարված էին ձեռագործ աշխատանքներով, սրբապատկերներո, որոնք նվիրաբերել էին այցելուները:
Իհարկե մեկ օրում անհնար էր բացահայտել Հոռոմը ամբողջությամբ, սակայն սա էլ բավական էր որոշակի պատկերացում կազմելու համար, թե որքան հնամենի բնակատեղիներ ունի փոքրիկ Հայաստանը:


Ներկայացված է՝ Հայաստանի գեղարվեստի պետական ակադեմիայի Գյումրու մասնաճյուղի 2018-2019 ուստարվա դիպլոմային աշխատանքները։
Դիպլոմային աշխատանքի ղեկավարներն են՝ Քնարիկ
Միքայելյանը և Տաթև Հարթենյանը։ Հագուստի մոդելավորման ամբիոնի վարիչն է՝ դոցենտ Մարգարիտա Աթոյանը։
Презентация 2018-2019 учебного года Гюмрийского филиала Государственной академии художеств Армении.
Кнарик Микаелян и Татев Хартенян являются руководителями дипломной работы. Заведующая кафедрой моделирования одежды - доцент Маргарита Атоян.
Presentation of the 2018-2019 academic year of the Gyumri Branch of the State Academy of Fine Arts of Armenia. Knarik Mikaelyan and Tatev Hartenyan are the leaders of the diploma work. Head of the Department of Clothing Modeling is Associate Professor Margarita Atoyan.



PDF տարբերակով անցնել հղմանը՝ ➤ 2019-ի ընդունելության քննությունների արդյունքները