Սույն թվականի սեպտեմբերի 18 և հոկտեմբերի 8 ին Երվանի գեղարվեստի պետական ակադեմիայի Գյումրու մասնաճյուղում տեղի ունեցավ << Ամառային պլեներ >> խորագիրը կրող ցուցահանդեսը, որի ցուցադրումը բաղկացած էր 2 մասից՝ գեղանկարի, այնուհետև գրաֆիկայի բաժնի ուսանողների աշխատանքների ներկայացմամբ: Այժմ նոյեմբերի 2-ին կայանալու է այդ նույն ցուցահանդեսի քննարկումը,  ԵԳՊԱ Գյումրու մասնաճյուղի ցուցասրահում ժամը 12:00-ին, հասցեն՝ ք.Գյումրի , Անկախության հրապարակ 1, 3-րդ հարկ, մուտքն ազատ է.

ԵԳՊԱ Գյումրի
Հոկտեմբերի 28-ին, ժամը 14:30-ին արվեստաբանների ամառային պրակտիկայի ներկայացում Երևանի գեղարվեստի պետական ակադեմիայի Գյումրու մասնաճյուղի, 408 լսարանում:
Կներկայացվեն Հայաստանում պատմամշակութային արժեք ներկայացնող այն կառույցների մասին, որտեղ ուսանողական ծրագրով անցկացվել է ԵԳՊԱ Գյումրու մասնաճյուղի արվեստաբանության բաժնի պրակտիկան`(Սևակի տուն-թանգարան, Նորավանք, Քարահունջ, Տաթև, Շաքեի ջրվեժ, Զվարթնոցի տաճար, Մեծամոր, Գառնի, Երերույք, Գեղարդ) : Պրակտիկան կներկայացվի պրեզենտացիայի տեսքով:


Մարդը բնության մեջ, բնությունը՝ մարդու: Բնությունը ստեղծված է մարդուն ազատելու բոլոր կապանքներից և հնարավորություն է տալիս տրվել ներաշխարհին՝ տեսնելով բնության ներդաշնակ գույներն ու զգալով նրա հանգստությունը: Հենց սա է <<Ամառային պլեներ>> ծրագրի նպատակը: Վերջերս  տեղի ունեցավ 2015թ.ի ամռան պլեներային պրակտիկայի արդյունքի ցուցադրումը, որը բաղկացած էր 2 մասից՝ գեղանկարի, այնուհետև գրաֆիկայի բաժնի ուսանողների աշխատանքների ներկայացումից: Կցանկանայի անդրադառնալ երկրորդ մասին՝ գրաֆիկական աշխատանքներին, որը տեղի ունեցավ հոկտեմբերի 8-ին:  ԵԳՊԱ-ի Գյումրու մասնաճյուղի գրաֆիկա բաժնի ІІ, ІІІ և ІV կուրսի ուսանողներն իրենց աշխատանքների ցուցադրումը սկսեցին յուրօրինակ առաջաբանով՝ վիդեոարտով, ինչը մեզ հնարավորություն տվեց հանգամանորեն ծանոթանալու նրանց պրակտիկայի ընթացքին: Պետք է ասեմ՝ ոգևորիչ էր: Նույնիսկ ես, արվեստաբան լինելով, մի պահ ուզեցի նկարիչ դառնալ՝ արվեստագետի աչքերով տեսնելու բնությունը, զգալու շրջակա միջավայրն ու պատկերել այն: Վիդեոարտի հետաքրքիր գաղափարը ինքնըստինքյան դրական լիցքերով մեզ ուղորդեց առաջ՝ անցնելու ցուցադրման երկրորդ հատվածին՝ աշխատանքների դիտմանը: Դեռ երբեք բնությունն այդպես չէի տեսել, ինչպես պատկերել էր Նինա Պիջոյանը՝ գծի միջոցով, սիլուետային: Մյուս կողմից գիշերային բնության երևակայական պատկերումը, ինչպես Թամարա Կաղզվանցյանն էր պատկերել: Նորից ու նորից բացահայտեցի Կարինե Խաչատրյանին՝ իր գունազգացողությամբ ու յուրօրինակ մոտեցմամբ: Ինչու՞ միայն բնություն: Ահա Ջենի Գևորգյանը շեղվել էր բնությունից ու նկարել իր դասընկերուհու դիմանկարը: Կուզենայի նաև առանձնացնել Նուշ Պետրոսյանի աշխատանքները՝ երկու ծայրահեղ ոճերից կազմված: Նա նկարել էր ծովը՝ ռեալիստական ոճով, կարծես ներշնչված մեր հայ ծովանկարիչներից, և մյուս կողմից կարելի էր տեսնել նույն ծովը՝ արդեն գծային կոմպոզիցիայի միջոցով՝ մինիմալիստական մոտեցմամբ: Կուզենամ նշել, որ ինձ համար ամառային պլեներ ծրագրի երկրորդ մասը ստացված էր՝ սկսած էքսպոզիցիայից, վերջացրած հյուրասիրության հետաքրքիր մոտեցմամբ՝ տնական կոմպոտներով: Մասնակիցներն իրենց աշխատանքներով ապացուցել էին, որ բնությունը հնարավորություն է տալիս ուսանողներին բացվելու, երևակայելու, նոր բացահայտումներ անելու, ստեղծագործելու և, ինչու ոչ, մտերմանալու միմյանց հետ:

Կերպարվեստի պատմություն և 
տեսություն բաժնի ուսանողուհի՝

Գինոսյան Սյուզաննա













































նկ.՝ Սարգիս  Հովհաննիսյան
            Աշիկ  Հովհաննիսյան

ԵԳՊԱ Գյումրի

Երեւանի գեղարվեստի պետական ակադեմիայի ուսանողների եւ դասախոսների հիշողություններում այդ օրը երկար կմնա, հոկտեմբերի 15-ի աշնանային օրն իրենցն էր՚՝ բուհի հիմնադրման 70- ամյակի տոնական տրամադրությունների ջերմ մթնոլորտով, որ սկսվեց նախորդող օրերի չդադարող անձրեւներին հակառակ հաճելիորեն արեւոտ մի առավոտով՝ ակադեմիայի բակից, անցյալ ու պատմություն ունեցող ուսանողական բացօթյա սրճարանի վերածված մի վայր, որի մասին 70-80–ականների շրջանավարտները հատուկ ոգեւորությամբ են խոսում՝ համարելով այն ինստիտուտի բոհեմական տրամադրությունների էպիկենտրոն, որտեղ ծնունդ էին առնում ստեղծագործական նոր մտահղացումներ ու գաղափարներ:

Ուսանողների համար իսկապես հոբելյանական նվեր՝ ակադեմիայի ղեկավարության ջանքերի արդյունք՝ հիմնավորապես նորոգված եւ արդիական տեխնոլոգիաներով վերազինված խեցեգործության լաբորատորիայի բացումն էր:


Նյութը ամբողջությամբ yafa.am կայքում


Սույն թվականի նոյեմբերի 25-ին կբացվի
Գեղարվեստի ինստիտուտի հիմնադրումն ու հիմնադրման հրամանը, 1945 թ.
1940-ական թվականների սկզբին հայ արվեստագետների շրջանում սկսել էր քննարկվել Երեւանում գեղարվեստի բարձրագույն ուսումնական հաստատության
ԵԳՊԱ Գ/մ գրաֆիկայի ամբիոնի 2015թ <<Ամառային պլեներ>>  աշխատանքների ցուցադրության շրջանակներում, տեղի ունեցավ  շուրջ երեսունհինգ

Երևանի Գեղարվեստի ակադեմիայի Գյումրու մասնաճյուղում տեղի է ունեցել ցուցահանդես, որտեղ ներկայացված են եղել բուհի շուրջ 60 ուսանողի աշխատանք: Հանձնվել են նաև ստուգման գրքույկներ բուհ ընդունված 35 ուսանողի: 


Հետևե՛ք  տեսանյութին:




հեղինկային իրավոնքը՝ ՑԱՅԳ ՀՌԸ