/ՍԵՐՈՒՆԴՆԵՐ/ ՈՐՄՆԱՆԿԱՐԻ ՎԵՐԱԿԱՆԳՆՈՂԱԿԱՆ ԱՇԽԱՏԱՆՔՆԵՐԸ .

Համբարձում Ղուկասյան
<<Սերունդներ>> որմնանկարի վերականգման աշխատանքները

ԵԳՊԱ Գյումրու մասնաճյուղի նախաձեռնությամբ վերականգնվեց Համբարձում Ղուկասյանի <<Սերունդներ>> որմնանկարը : Այն գտնվում է Գյումրու Դեպոյի ադմինիստրացիայի շենքում : Վերականգման աշխատանքները նախատեսված էր սկսել շատ ավելի շուտ , սակայն կյանքի կոչվեց 2015թ-ի սկզբին և ավարտին հասցվեց նույն թվականի սեպտեմբերին: Նկարն արվել էր  1985թ-ին , ունի 5մ33սմ լայնություն և 4մ93սմ բարձրություն: 1988 թ-ի երկրաշարժի ժամանակ. Ինչպես նաև նկարի պատի հետևի հատվածում աշխատող կռունկների վիբրացիայի պատճառով նկարը կրել էր բազմաթիվ վնասներ: Նկարի վրա այս ամենը թողել են ճաքեր , որոնք ժամանակի ընթացքում մեծանալով բերել են նկարի որոշակի  հատվածներում սվաղի  շերտի առանձնացմանը պատից:
 Վերկանգման աշխատանքները կատարվել են ԵԳՊԱ Գյումրու մասնաճյուղի գեղանկարչության ամբիոնի դասախոս , Իտալացի մասնագետների մոտ վերապատրաստված Արփինե Համբարյանի և նույն ամբիոնի մագիստրատուրայի ուսանողների կողմից: Նշենք, որ նկարը տեղի աշխատակիցների կողմից ժամանակին լվացվել է ջրով , ինչն էլ ավելի է խորացրել վնասվածությունը: Ժամանակի ընթացքում  կատարվել են 3 տեսակի սվաղներ , որոնք որոշակի չափով պահպանել են նկարը ինքնափլուզումից:Վերկանգնողների կողմից կատարվել են բազմաթիվ մաքրումներ, ամրացումներ և սրսկումներ, միաժամանակ մշակվել են նաև  սվաղները : Գյումրի Դեպոյի ղեկավարության ջանքերի և բարի կամքի շնորհիվ փրկվեց մի պտմամշակությային արժեք, ինչը երկար կծառայի հանրությանը , որպես արվեստի գլուխգործոց: Այժմ արդեն կարելի է ասել, որ ԵԳՊԱ Գյումրու մասնաճյուղը կատարեց մի քայլ ևս ՀՀ հուշարձանների պահպանման ժառանգության գործում :  

ԵԳՊԱ Գ/մ գեղնակրաչության բաժնի դասախոս` Արփինե Համբարյան