ՀԱՅՏԱՐԱՐՈւԹՅՈւՆ/ ԴԱՍԱԽՈՍՈւԹՅՈւՆ

Կալիֆորնիայի համալասարանի աֆրո-ամերիկյան հետազոտությունների և հաղորդակցության գծով պրոֆեսոր`

Կարդալ ավելին

ՀԱՅՏԱՐԱՐՈւԹՅՈւՆ / ԿԵՐՊԱՐՆԵՐԻ ՊԱՏԿԵՐԱԶԱՐԴՄԱՆ ՄՐՑՈւՅԹ

Հայտարարվում է անգլիական գրականության հետեւյալ հեղինակների գրական ստեղծագործությունների եւ կերպարների պատկերազարդումների մրցույթ՝ 

1. Լուիս Քերոլ «Ալիսը հրաշքների աշխարհում» 

2. Ուիլյամ Շեքսպիրի պիեսներ՝ ըստ նախընտրության
 3. Շառլոթ Բրոնտեի վեպեր՝ ըստ նախընտրության 

Լավագույն աշխատանքների համար սահմանված են մրցանակներ։
Գլխավոր մրցանակն է դրամական պարգեւ։ 

Նախընտրական փուլի վերջնաժամկետն է ս.թ. մարտի 25-ը։ Ընտրված աշխատանքները կմասնակցեն հիմնական մրցույթին
 (վերջնաժամկետ ս.թ. մայիսի 25) 

Այն ուսանողներին, ում հետաքրքրեց այս մրցույթը, խնդրում ենք դիմել դեկանատ։ 

Մրցույթին մասնակցելու պարտադիր պայմաններ՝ 

1. Մասնակիցներր պետք է լինեն ԵԳՊԱ (ներառյալ մասնաճյուղերի) ուսանողներ 

2. Խորապես ուսումնասիրեն իրենց կողմից ընտրված 

ստեղծագործությունը, հեղինակին 

3. Աշխատանքներր պետք է լինեն բացառապես ուսանողների 

հեղինակային ստեղծագործությունը
 (բացառվում են կրկնօրինակումները, նմանակումները) 

Մրցույթում գնահատվում է յուրահատկությունը եւ հեղինակային մոտեցումը։ 

Մաղթում ենք հաջողություն եւ հետաքրքիր ու հաճելի ստեղծագործական ընթացք։ 

Կարդալ ավելին

ՈւՍԱՆՈՂԱԿԱՆ ՁԵՌՆԱՐԿ / STUDENT HANDBOOK

ENGLISH.

STUDENT HANDBOOK  2014-2015 YEREVAN STATE ACADEMY OF FINE ART

ՀԱՅԵՐԵՆ

ՈւՍԱՆՈՂԱԿԱՆ ՁԵՌՆԱՐԿ2014-2015ԵՐԵՎԱՆԻ ԳԵՂԱՐՎԵՍՏԻ ՊԵՏԱԿԱՆ ԱԿԱԴԵՄԻԱ

Կարդալ ավելին

ՀԱՅՏԱՐԱՐՈւԹՅՈւՆ: ՄԻՋԱԶԳԱՅԻՆ ԳԻՏԱԺՈՂՈՎՆԵՐԻ ՀԱՅՏ

Feb 16, 2016

Սիրելի գործընկերներ,
այս տարի Բելգրադում, օգոստոսի 22-27, կկայանա բյուզանդագիտության միջազգային 23-րդ գիտաժողովը, որ գումարվում է 4 տարին մեկ անգամ: Մասնակցել ցանկացողներին, մանրամասն տեղեկությունների համար խնդրում եմ այցելել գիտաժողովի կազմկոմիտեի կայքը byz2016.rs : Լրացուցիչ հարցերի եւ կազմակերպչական խնդիրների համար՝ դիմել ԵԳՊԱ Հետազոտական կենտրոնի տնօրեն՝ Նազենի Ղարիբյանին:
Մեկ այլ միջազգային գիտաժողով՝ նվիրված Տայքի պատմական շրջանի ուսումնասիրությանն ու առկա խնդիրներին, կգումարվի արդեն Երեւանում, Հայկական բյուզանդագիտական ընկերության եւ Մատենադարանի համատեղ ջանքերով, հունիսի 22-24: Հայտերի ժամկետն արդեն սպառվել է, սակայն բացառության կարգով կարելի է դեռեւս դիմել մինչեւ փետրվարի 28-ը:

Մանրամասների համար խնդրում եմ դիմել կազմկոմիտեի անդամներ Զարուհի Հակոբյանին zaruhy@yandex.ru եւ Նազենի Ղարիբյանին nazenie1@hotmail.com

հղումը՝ ԵԳՊԱ կայք

Կարդալ ավելին

ԿՐԹԱԹՈՇԱԿԻ ՀԱՏԿԱՑՄԱՆ ԾՐԱԳԻՐ

ՀԵՀ-ը հայտարարում է կրթաթոշակի հատկացման ծրագրերի մասին. ընդունվում են հայտեր

Հայաստանի երիտասարդական հիմնադրամը (ՀԵՀ) հայտարարում է կրթաթոշակների

հատկացման մրցույթ։ Մրցույթին կարող են մասնակցել պետական, ոչ պետական բուհերի առկա ուսուցման բակալավրիատի առաջին կուրսի` անվճար համակարգում չընդգրկված ուսանողները։
Հայտատու ուսանողը պետք է բավարարի նշված պահանջներից առնվազն մեկին՝
· սոցիալապես անապահով (ընտանիքի անապահովության սահմանային միավորից բարձր միավոր ունեցող) ընտանիքների անդամ,

· միակողմանի ծնողազուրկ ուսանող,

· երրորդ խմբի հաշմանդամ ուսանող,

· հեռավոր լեռնային և սահմանամերձ գյուղերի ուսանող,

· տվյալ ուսումնական տարվա կիսամյակի քննությունների և ստուգարքների արդյունքներով առավել բարձր գնահատականներ ունեցող ուսանող,

· հասարակական ակտիվություն ցուցաբերող ուսանող,

· պատշաճ վարքագիծ դրսևորող ուսանող:

Այս ծրագրին ոչ մրցութային կարգով կարող են մասնակցել նաև ՀՀ կառավարության որոշմամբ սոցիալական աջակցություն ստացող ՀՀ սահմանամերձ համայնքներիպետական, ոչ պետական, միջպետական բուհերի առկա ուսուցման համակարգի բակալավրիատի 1-ին կուրսերում սովորող ուսանողները։
Դիմում-հայտերի ընդունման վերջնաժամկետը 2016թ. փետրվարի 10-ն է։ Դիմումներն ու անհրաժեշտ փաստաթղթերը (ուսանողի անձնագրի պատճենը, որտեղ առկա է նաև գրանցման վայրի մասին նշում, 3։4 չափի 1 լուսանկար, առաջադիմության թերթիկի պատճենը, որտեղ նշված լինի միջին որակական գնահատականը, տեղեկանք բուհից, ստուգման գրքույկի պատճենը, սահմանամերձ բնակավայրերի ուսանողների դեպքում նաև՝տեղեկանք բնակավայրից) ընդունվում են Հայաստանի երիտասարդական հիմնադրամի գրասենյակում (հասցե՝Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է 13.00-14.00-ն): 

Ուսանողները կարող են դիմել նշված երկու ծրագրերից միայն մեկին։

Դիմում-հայտի ձևը ներբեռնել ստորև։

Դիմում-հայտ>>>


Կարգ>>>


Սոցիալական աջակցություն ստացող սահմանամերձ համայնքների ցանկ>>>

Կարդալ ավելին

ԱՍՊԻՐԱՆՏՈւՐԱՅԻ ՀԱՎԱՆԱԿԱՆ ԴԻՄՈՐԴ-ՇՐՋԱՆԱՎԱՐՏՆԵՐԻ ՀԱՄԱՐ

2016-2017 ուսումնական տարվա ասպիրանտուրայի հավանական դիմորդ-շրջանավարտների համար կազմակերպվում են անվճար նախապատրաստական դասընթացներ և քննություններ «Օտար լեզու» (անգլերեն, կամ ֆրանսերեն, կամ գերմաներեն) և «Համակարգչից օգտվելու հմտություններ» առարկաներից: Մասնակցության համար դիմել ԵԳՊԱ գիտքարտուղար Ա. Օհանյանին, մինչև ս/թ փետրվարի 4-ը ներառյալ ( ք.Երևան ,Իսահակյան 36, 4-րդ հարկ):

հղումը` Երևանի գեղարվեստի պետական ակադեմիայի պաշտոնական կայք

Կարդալ ավելին

ԿԱՅԱՑԱՎ 2014-2015ԹԹ. ԼԱՎԱԳՈՒՅՆ ՌԵՖԵՐԱՏ ՄՐՑՈւՅԹ / ՑՈւՑԱԴՐՈւԹՅՈւՆԸ

Գիրք ստանալը միշտ էլ հաճելի է ցանկացած մարդու համար, ցանկացած իրավիճակում, սակայն երբ այն ստանում ես որպես պարգևատրում հաճույքն ու ոգևորությունը դառնում է կրկնապատիկ: Այսօր՝ (Дом Русской книги)>> <<Ռուսական գրքերի տուն>> կազմակերպությունը` Արմինե Հայրապետյանի և ԵԳՊԱ Գյումրու մասնաճյուղի հումանիտար առարկաների ամբիոնը՝ Արաքս Մարգարյանի նախաձեռնությամբ կազմակերպել էին մի իրադարձություն, որը, թերևս, ինքնատիպ էր իր բնույթով՝ ռեֆերատների մրցույթ/ցուցադրություն: Սկզբնապես հակասական թվացող իրավիճակ, ռեֆերատ որն ինքնին ենթադրում է տեքստային, ձևաչափային և գիտակարգային մի բան, և ցուցադրություն, որն ավելի շուտ բնորոշ է ստեղծագործական երևույթին: Ռեֆերատներն իրականում ստեղծվել էին 2014-2015 թթ. արվեստի պատմության դասընթացի շրջանակներում (Արաքս Մարգարյանի հանձնարարությամբ և ղեկավարմամբ) գրաֆիկա և գեղանկար բաժինների 3-րդ և 4-րդ կուրսի ուսանողների կողմից: Ու քանի որ ռեֆերատների հեղինակները արվեստագետներ էին, արդեն ենթադրում էր ստեղծագործական մոտեցում: Եվ իրոք, ուսանողները դասաժամերի ընթացքում իրենց հետաքրքրող բազմազան և ընդգրկուն թեմաները (Եգիպտոսի, Հին Հունաստանի արվեստներ, Վերածնունդ, նախնադարյան արվեստ, հայ մանրանկարչություն և այլն) ներկայացրել էին միանգամայն տարբեր, յուրովի, ինքնատիպ և ամենակարևորն է արվեստային մոտեցմամբ: Դրանցից յուրաքանչյուրը կարելի է դիտել արդեն որպես լիարժեք արվեստի գործ, գրաֆիկական արվեստի, գրքարվեստի համատեքստում: Նախաձեռնությունն արդեն կարևոր էր նրանով, որ առաջին հերթին կոտրվեց ռեֆերատների հանդեպ եղած չոր, զուտ գիտական, ինչ-որ տեղ անհրապույր <<պարտադրանք>> լինելու գաղափարը: Իսկ արդեն ցուցադրվելով հանրային, գրքային միջավայրում ռեֆերատները դուրս եկան դասապրոցեսի շրջանակներից: Մյուս կողմից էլ` մասնակից-ուսանողների համար ստեղծվեց մրցակցային իրավիճակ, քանի որ լավագույն երեք աշխատանքների հեղինակները պարգևատրվեցին հատկապես արվեստագետի համար ցանկալի մրցանակներով՝ գրքերով (առաջին մրցանակին արժանացավ Գոհար Սաֆարյանը/ գրաֆիկայի բաժին, 4-րդ կուրս/, երկրորդ տեղ՝ Զեմֆիրա Հակոբյանը /գեղանկարի բաժին, 3-րդ կուրս/ և երրորդ մրցանակ՝Մարո Սահակյան /գրաֆիկա, 3-րդ կուրս/: 

հեղինակ, արվեստաբան` Գայանե Պապիկյան

նկ.Ա.Հովհաննիսյան

Կարդալ ավելին

ՀԱՅՏԱՐԱՐՈւԹՅՈւՆ. ԼԱՎԱԳՈւՅՆ ՌԵՖԵՐԱՏՆԵՐԻ ՄՐՑՈւՅԹ

ԵԳՊԱ Գյումրիի մասնաճյուղի արվեստաբանության ամբիոնը և <<Ռուսական գրքի տուն (Дом Русской книги)>> կազմակերպությունը հրավիրում են մասնակցելու 2014-2015 թթ. արվեստի պատմության դասընթացի շրջանակներում ստեղծված ուսանողական ռեֆերատների մրցույթին, որի ընթացքում ներկայացվելու ու պարգևատրվելու են լավագույն ռեֆերատները: Նախապատվությունը տրվելու է ստեղծագործական ու գեղագիտական առավել հետաքրքիր լուծումներով աշխատանքներին:





Կազմակերպիչ ՝
ԵԳՊԱ Գյումրիի մասնաճյուղ





Հովանավոր, աջակից ՝

<<Ռուսական գրքի տուն (Дом Русскoй книги)>>

Կարդալ ավելին

/ԴՈՄԻԿ/ ԱՐՎԵՍՏԱՅԻՆ ՆԱԽԱԳԾԻ ՄԱՍՆԱԿՑՈՒԹՅԱՆ ՀԱՅՏԵՐԻ ԸՆԴՈՒՆՈՒՄ

Շարունակվում է <<Հայկական Կարիտաս>> հասարակական կազմակերպության աջակցությամբ իրականացվող <<Դոմիկ.Գյումրի քաղաք>>արվեստային նախագիծը:

Կարդալ ավելին

2016 ԳՅՈՒՄՐԻՆ ԵՐԻՏԱՍԱՐԴԱԿԱՆ ՄԱՅՐԱՔԱՂԱՔԻ ԼՈԳՈՆ

2015 թվականին Գյումրիի քաղաքապետարանի կողմից հայտարարած <<Գյումրին 2016 թվականի երիտասարդական մայրաքաղաք>> ծրագրի խորհրդանիշի ստեղծման մրցույթին հաղթել է` ԵԳՊԱ Գյումրիի մասնաճյուղի գրաֆիկայի ամբիոնի դասախոս Սարգիս Հովհաննիսյանը:

ԵԳՊԱ Գյումրիի մասնաճյուղի դասախոս
Սարգիս Հովհաննիսյան

Կարդալ ավելին