ՄԵԾ ԲԱՐԵԿԱՄ՝ ԲԱՐԲԱՐԱ ԴԵՆՇԵՐԻ ԱՅՑԸ ԵԳՊԱ ԳՅՈւՄՐՈւ ՄԱՍՆԱՃՅՈւՂ

  

  Սեպտեմբերի  2-5-ը ԵԳՊԱ Գյումրու մասնաճյուղ էր  այցելել հայազգի և ԵԳՊԱ Գյումրու Մասնաճյուղի մեծ բարեկամ, ավստրիացի ռադիոլրագրող, գրող, հրապարակախոս՝ տիկին Բարբարա Դենշերը:

    Վերջին պաշտոնական այցը ԵԳՊԱ ԳՄ,  տիկին Բարբարան իր ամուսնու՝ Բերնարդ Դենշերի հետ էր կատարել, որի ժամանակ հիմք դրվեց ԵԳՊԱ Գմ-ում «Վիեննական ակումբ» նախագծի ստեղծմանը: Անցել է ընդամենը մի քանի ամիս: Ինչպես շեշտեց Բարբարա Դենշերը  այս այցելությունը ոչ պաշտոնական է և ինքը այս անգամ  եկել է որպես մասնաճյուղի բարեկամ՝ իր հանգիստը անցկացնելու, ինչու չէ վերաիմաստավորելու, քննարկելու նոր ծրագրեր,  գտնելու  հետագա անձնական և ինստիտուցիոնալ նոր համագործակցությունների եզրեր:
   Գիտենալով և ծանոթ լինելով՝ մասնաճյուղի  հագուստի մոդելավորման ամբիոնի  այս տարիների նվաճումները և բարձր մակարդակը, Բարբարա Դենշերի այցելության նպատակներից էր նաև մասնաճյուղի  հագուստի մոդելավորման ամբիոնի  հետ նոր կրթական ծրագրեր և նախագծեր մշակելը :  Տիկին Դենշերը հանդիպում ունեցավ  հագուստի մոդելավորման ամբիոնի  վարիչ՝ Տաթև Հարթենյանի, ամբիոնի դասախոսական անձնակազմի  և  ուսանողների հետ: Հանդիպման ընթացքում Տաթև  Հարթենյանը ներկայացրեց  ամբիոնի  ներկայիս ուսումնական ընթացքը, ստեղծագործական նախագծերը և  խնդիրները: Տիկին Դենշերը, իր անձնական միջոցներից ամբիոնի   ներկա խնդիրների լուծման և ապագա նոր ծրագրերի համար  ներդրում կատարեց: Հանդիպման  ընթացքում քննարկվեց նաև  2016-2017 թվականների  ԵԳՊԱ ԳՄ-ի  հագուստի մոդելավորման ամբիոնի, Վիեննայի Քաղաքապետարանի Մշակույթի բաժնի և Բարբարա Դենշերի հետ նոր համատեղ  ստեղծագործական նախագծերը:
    Ավելացնենք,որ այդ նախագծերի մասին ավելի մանրամասն կտեղեկացնենք մոտ ապագայում:

ԵԳՊԱ ԳՄ-ի արտաքին կապերի պատասխանատու ՝  Վահագն Ղուկասյան

ՆԿՐԱՐՆԵՐԸ՝  Ա.ՀՈՎՀԱՆՆԻՍՅԱՆԻ