10/07/2016
HGPAGM
Այսօր գյումրեցի քանդակագործ Զավեն Կոշտոյանը կդառնար 76 տարեկան: Երևանի գեղարվեստի ակադենիայի Գյումրու մասնաճյուղում քանդակագործի անունով արվեստանոց է բացվել: Սա հնարավորություն է տալիս արվեստասեր հասարակությանը ծանոթանալ քանդակագործի աշխատանքներին: Արվեստանոցի բացման արարողությանը ներկա են գտնվել Զավեն Կոշտոյանի ընտանիքի անդամներն ու ընկերները:
Արվեստագետի կյանքի ու ստեղծագործության լավագույն պատառիկները Հեղինե Մանուկյանի տեսանյութում:
Նյութը՝ ՑԱՅԳ ՀՌ
8/31/2016
HGPAGM
-Ես ոգեշնչվում եմ բնությունից, ամեն ժանրում ինձ փորձել եմ, սակայն իմ հոգին ազատ է բնության մեջ: Ես յուրաքանչյուր քարին, ծառին կարող եմ մեծ սիրով նայել, տեսնել գեղեցիկը, Պիկասոյի խոսքերն եմ հիշում. «Մենք տեսնում ենք գեղեցիկը, որովհետեւ այն կրում ենք մեր մեջ», ես գեղեցիկը կրում եմ իմ մեջ: Ես գտել եմ իմ առաքելությունը՝ գեղեցիկը տարածելը: Ուզում եմ, որ մարդիկ իմ նկարների միջոցով կտրվեն այս գորշ իրականությունից, վերադառնան բնություն, փախչեն ստից ու կեղծիքից,-ասում է երիտասարդ նկարիչ Լիլիթ Տոնականյանը:Նրա գործերում բնությունն է` իր վառ ու պայծառ գույներով, գերիշխում է բարձր տրամադրությունը, հուզականությունը: Նկարչուհին ասում է` եթե ստեղծագործելիս 3 գույն ընտրելու հնարավորություն ունենա հայրենիքը նկարագրելու համար, ապա կվերցնի կարմիրը, կապույտն ու դեղինը:
-Կարմիրը՝ չարչարված, արյուն տեսած ժողովրդին պատկերելու համար, կապույտը՝ խաղաղության համար մարտնչողի ոգին պատկերելու համար եւ դեղինով էլ ցույց կտամ արեւը, հույս ունենալով, որ մի օր լույս կիջնի երկրիս, քաղաքիս վրա: Մեր եկեղեցիները հզոր են, ես գիտեմ, որ կգա այն օրը, երբ իմ ժողովուրդն էլ իր հողում լավ կապրի ու կստեղծագործի,-ասում է Լիլիթը:
-Հիշում եմ, մայրիկին խնդրում էի` գրքից արտանկարներ անել, եւ զարմանում էի, թե ինչպես է կարողանում եւ՛ այդքան նման, եւ՛ այդքան գեղեցիկ նկարներ ստանալ: Արդեն դպրոցական տարիներին սկսեցի ինքս արտանկարել, խզբզել թղթի վրա: Ընտանիքս նկատեց, որ կա այդ շնորհքն իմ մեջ ու ինձ ուղարկեցին նկարչական դպրոց: Դա ինձ շատ ոգեւորեց, սկսեցի տարբեր գրքեր կարդալ, ուսումնասիրել արվեստի մեծերի գործերը, ամբողջովին տարվեցի նկարչությամբ: Արդեն դպրոցն ավարտելիս` պարզ էր, որ ընտրելու եմ նկարչի ուղին: Լիլիթը սովորել է Երեւանի գեղարվեստի պետական ակադեմիայի Գյումրու մասնաճյուղի գեղանկարչության բաժնում:
Ամբողջությամբ կարդացեք այստեղ
7/16/2016
HGPAGM
ԵՐԵՎԱՆԻ ԳԵՂԱՐՎԵՍՏԻ ՊԵՏԱԿԱՆ ԱԿԱԴԵՄԻԱՅԻ ԳՅՈւՄՐՈւ ՄԱՍՆԱՃՅՈՒՂԻ 2016-2017 ՈւՍ.ՏԱՐՎԱ ԸՆԴՈւՆԵԼՈւԹՅԱՆ ՔՆՆՈւԹՅՈւՆՆԵՐԻ ԳՆԱՀԱՏԱԿԱՆՆԵՐԸ ԸՍՏ ՄԻԱՎՈՐՆԵՐԻ՝
PDF ՏԱՐԲԵՐԱԿ
7/05/2016
HGPAGM
76 տարեկան հասակում կյանքից հեռացավ ԽՍՀՄ վաստակավոր նկարիչ, ՀՀ նկարիչների միության անդամ, Գյումրու երախտավոր քաղաքացի, Երևանի գեղարվեստի պետական ակադեմիայի պրոֆեսոր, անվանի քանդակագործ՝ Զավեն Աղասու Կոշտոյանը.
7/01/2016
HGPAGM
Երևանի գեղարվեստի պետական ակադեմիայի (ԵԳՊԱ) Գյումրու մասնաճյուղի 2016-2017թթ.-ի ուսումնական տարվա բոլոր դիմորդները 2016 թվականի հուլիսի 2-ին ժամը 11:00-ին ներկայանան մասնաճյուղ` ընդունելության քննությունների վերաբերյալ մանրամասնություններ իմանալու համար :
հասցե` ք.Գյումրի, Անկախության հրապարակ 1, 3-րդ հարկ . հեռ. 0312-5-65-56
7/01/2016
HGPAGM
Մեծ ցավով և խորը վշտով տեղեկացանք ԵԳՊԱ Գյումրու մասնաճյուղի պրոֆեսոր, քանդակագործ, ԽՍՀ վաստակավոր նկարիչ, ՀՀ նկարիչների միության անդամ և հոյակապ անձնավորություն` Զավեն Կոշտոյանի մահվան մասին: Նրա կերտած անկրկնելի կերպարներն ընդմիշտ կմնան բոլոր սերունդների հիշողության մեջ: Մեծ է կորստյան ցավը, և մենք սգում ենք ընտանիքի և հարազատների հետ միասին: Խորին ցավակցություն ենք հայտնում հարազատներին, մերձավորներին և Զավեն Կոշտոյանի տաղանդի բազմահազարանոց երկրպագուներին.
