021401.01.6 ԴԵԿՈՐԱՏԻՎ ԿԻՐԱՌԱԿԱՆ ԱՐՎԵՍՏ
Դեկորատիվ կիրառական արվեստ մասնագիտությամբ ՀԳՊԱ ընդունվելու համար դիմորդները հանձնում են քննություններ «Գծանկար» «գունանկար» և «Կոմպոզիցիա» առարկաներից:
1. «Գծանկար»
Նատյուրմորտ. դիմորդի գիտելիքները և ունակությունները գծանկարում ստուգելու նպատակով
տրվում է առաջադրանք՝ բարդ երկրաչափական մարմինների և կենցաղային առարկաների
համադրությամբ A2 չափի թղթի վրա նկարել նատյուրմորտ՝ պահպանելով տեղադրման,
կոնստրուկտիվ կառուցման և հեռանկարի կանոնները, ստանալ առարկաների արտաքին իրական
ձևերը, լույսի ու ստվերի միջոցով լուծել ծավալային և տարածական խնդիրները:
Անհրաժեշտ նյութերը.
Կոշտ և փափուկ մատիտներ, A2 չափի թուղթ, 50x70 չափի պլանշետ, ռետին, սրիչ:
Կատարման ժամաքանակը.
Ընդհանուր տևողությունը 8 ակադեմիական ժամ, կազմակերպվում է 1 օրվա ընթացքում:
Գնահատման չափանիշները.
ա) նատյուրմորտի տեղադրումը թղթի մակերեսի մեջ 0-4 միավոր
բ)դրված առարկաների հարմոնիկ կապը միմյանց հետ, արտաքին ձևերի
պահպանումը և համաչափությունները, հեռանկարի խնդրի լուծումը 0-6 միավոր
գ) լույսի, ստվերի, ծավալի և տոնային հեռանկարի խնդիրների լուծումը 0-6 միավոր
դ) գծանկարչական տեխնիկան, կատարման որակը 0-4 միավոր
2. «Գունանկար»
Նատյուրմորտ. Դիմորդի գիտելիքներն ու ունակությունները պարզելու նպատակով տրվում է
նատյուրմորտ բարդ երկրաչափական մարմինների և կենցաղային առարկաների համադրությամբ
առաջադրանք: A2 չափի թղթի վրա ջրային ներկով անհրաժեշտ է նկարել նատյուրմորտ՝ լուծելով
թղթի մակերեսի մեջ տեղավորելու, հեռանկարը և իրերի համաչափությունները կառուցելու,
ծավալները տաք և սառը գույներով ու գունային ներդաշնակությունը կազմակերպելու խնդիրները
(ըստ միջավայրի):
Անհրաժեշտ նյութերը.
A2 չափսի թուղթ, 50x70 չափի պլանշետ, ջրային ներկեր (ջրաներկ, գուաշ, տեմպերա, ակրիլ),
մատիտ, ջրի բաժակ, վրձիններ:
Կատարման ժամաքանակը.
Ընդհանուր տևողությունը 8 ակադեմիական ժամ, կազմակերպվում է 1 օրվա ընթացքում:
Գնահատման չափանիշները.
ա) նատյուրմորտի տեղադրումը թղթի մակերեսի մեջ 0-4 միավոր
բ) առարկաների, արխիտեկտոնիկ կապը, համաչափությունը,
հեռանկարի խնդրի լուծումը , կառուցումը 0-4 միավոր
գ) առարկաների ծավալների, լուսաստվերների և պլանային
խնդիրների լուծումը գույնով 0-6 միավոր
դ) առարկաների գունային ներդաշնակությունը, գունային արտացոլանքները,
սառը և տաք գունատոների փոխհարաբերությունները, նյութականության խնդիրը 0-6 միավոր
3. «Կոմպոզիցիա»
Առաջադրանք N1.
դիմորդի հարթապատկերային և գունային զգացողությունը բացահայտող
առաջադրանք:
Տրվում է 1-2 զարդանախշ, որոնց կիրառմամբ դիմորդը պետք է ստեղծի հորինվածք: Արդյունքում
դիմորդը պետք է լուծի հետևյալ խնդիրները.
ա. տրված զարդանախշերը կիրառելով ստեղծել համապատասխան հորինվածք գույնով;
բ. ապահովել կատարողական վարպետությունը:
Գնահատման չափանիշները.
ա) հորինվածքի կատարումը և համապատասխանությունը տրված
զարդանախշերին 0-3 միավոր
բ) հորինվածքի տեղադրումը մակերեսի վրա 0-2 միավոր
գ) հորինվածքի գունային լուծումը 0-3 միավոր
դ) կատարողական վարպետությունը 0-2 միավոր
Առաջադրանք 2.
հորինվածք տրված երկրաչափական պատկերներով:
A2 չափսի թղթի վրա, օգտվելով տրված ոչ պակաս 3 երկրաչափական պատկերներից (ըստ դիմորդի
ընտրության) և այդ պատկերների համադրությամբ կրկնությամբ կամ դրանց չափերի մեծացման
կամ փոքրացման միջոցով կազմակերպել կոմպոզիցիա: Լուծումը միագույն գրիզալ և հարթային:
Գնահատման չափանիշներ.
ա) ստեղծագործության տեղադրումը թղթի մակերեսի մեջ 0-3 միավոր
բ) երկրաչափական պատկերների չափսերի փողադարձ հարաբերակցությունը 0-1 միավոր
գ) կոմպոզիցիոն կառուցումը 0-3 միավոր
դ) տոնային (կոլորիտի) լուծումները, կատարողական հմտությունները և որակը 0-3 միավոր
Անհրաժեշտ նյութերը.
A2 չափի թուղթ, 50x70 չափի պլանշետ, մատիտ, ջրային ներկեր, տուշ, ֆլոմաստերներ, գծագրական
գործիքներ:
Կատարման ժամաքանակը.
Ընդհանուր տևողությունը 8 ակադեմիական ժամ, կազմակերպվում է 1 օրվա ընթացքում
(ընդմիջմանը դիմորդները մնում են քննասենյակում):
