Դիզայն մասնագիտությամբ ՀԳՊԱ ընդունվելու համար դիմորդները հանձնում են քննություններ
«Գծանկար», «Գունանկար» եւ «Կոմպոզիցիա» առարկաներից:
1. «Գծանկար»
Առաջադրանք.
Նատյուրմորտ. դիմորդի գիտելիքները եւ ունակությունները գծանկարում ստուգելու նպատակով
տրվում է առաջադրանք՝ բարդ երկրաչափական մարմինների եւ կենցաղային առարկաների
համադրությամբ A2 չափի թղթի վրա նկարել նատյուրմորտ՝ պահպանելով տեղադրման,
կոնստրուկտիվ կառուցման եւ հեռանկարի կանոնները, ստանալ առարկաների արտաքին իրական ձեւերը, լույսի ու ստվերի միջոցով լուծել ծավալային եւ տարածական խնդիրները:
Անհրաժեշտ նյութերը՝
Կոշտ եւ փափուկ մատիտներ, A2 չափի թուղթ, 50x70 չափի պլանշետ, ռետին, սրիչ:
Կատարման ժամաքանակը.
Ընդհանուր տեւողությունը 8 ակադեմիական ժամ, կազմակերպվում է 1 օրվա ընթացքում:
Գնահատման չափանիշները.
ա) նատյուրմորտի տեղադրումը թղթի մակերեսի մեջ 0-4 միավոր
բ) դրված առարկաների հարմոնիկ կապը միմյանց հետ, արտաքին ձեւերի
պահպանումը եւ համաչափությունները, հեռանկարի խնդրի լուծումը 0-6 միավոր
գ) լույսի, ստվերի, ծավալի եւ տոնային հեռանկարի խնդիրների լուծումը 0-6 միավոր
դ) գծանկարչական տեխնիկան, կատարման որակը 0-4 միավոր
2. «Գունանկար»
Առաջադրանք.
Նատյուրմորտ. դիմորդի գիտելիքներն ու ունակությունները պարզելու նպատակով տրվում է
նատյուրմորտ, բարդ երկրաչափական մարմինների, կենցաղային առարկաների համադրությամբ:
A2 չափսի թղթի վրա ջրային ներկերով անհրաժեշտ է նկարել նատյուրմորտ՝ լուծելով թղթի
մակերեսի մեջ տեղավորելու, հեռանկարի եւ իրերի համաչափությունները կառուցելու, ծավալները
տաք եւ սառը գույներով եւ գունային ներդաշնակությունը կազմակերպելու խնդիրները (ըստ
միջավայրի):
Անհրաժեշտ նյութերը.
A2 չափսի թուղթ, 50x70 չափի պլանշետ, ջրային ներկեր (ակրիլ, տեմպերա, գուաշ, ջրաներկ),
մատիտ, ջրի բաժակ, վրձիններ:
Կատարման ժամաքանակը.
Ընդհանուր տեւողությունը 8 ակադեմիական ժամ, կազմակերպվում է 1 օրվա ընթացքում:
Գնահատման չափանիշները.
ա) նատյուրմորտի տեղադրումը թղթի մակերեսի մեջ 0-4 միավոր
բ) առարկաների, արխիտեկտոնիկ կապը, համաչափությունը,
հեռանկարի խնդրի լուծումը , կառուցումը 0-4 միավոր
գ) առարկաների ծավալների, լուսաստվերների եւ պլանային
խնդիրների լուծումը գույնով 0-6 միավոր
դ) առարկաների գունային ներդաշնակությունը,
գունային արտացոլանքները, սառը եւ տաք գունատոների
փոխհարաբերությունները, նյութականության խնդիրը 0-6 միավոր
3. «Կոմպոզիցիա»
Առաջադրանք No1. գծագրություն
Գծագրության գիտելիքները բացահայտելու նպատակով դիմորդին առաջադրվում է գծագրել գլան, կանոնավոր պրիզմա, բուրգ, կոն, որի մեջ բացված է «Y» կամ «Z» կոորդինատային առանցքին զուգահեռ, այլ կանոնավոր մարմնի հատումով գոյացած անցք: Տրվում են երկու պրոյեկցիաները, որոնցից մեկը թերի է: Պահանջվում է լրացնել թերի պրոյեկցիան, գծագրել երրորդը` ցույց տալով չերեւացող գծերը եւ կառուցել ակնառու պատկերը (աքսոնոմետրիա):
Գնահատման չափանիշները.
ա) տրված պրոյեկցիաների լրացում (չնշված տարրերի գծագրումն
ըստ նշված չափերի) 0-2 միավոր
բ) երրորդ պրոյեկցիայի գծագրում 0-3 միավոր
գ) ակնառու պատկերի (աքսոնոմետրիայի) կառուցում 0-3 միավոր
դ) գծագրական տեխնիկան (կատարման որակը) 0-2 միավոր
Առաջադրանք No 2. գունային եւ ծավալատարածական կոմպոզիցիա (ստեղծագործական աշխատանք)
Գունային եւ ծավալատարածական կոմպոզիցիա կազմելու ունակությունը բացահայտելու
նպատակով դիմորդին առաջադրվում է երկրաչափական մարմիններ (օգտագործելով ոչ պակաս,
քան 6 երկրաչափական մարմին), այդ մարմինների համադրության, կրկնության կամ դրանց
չափերի մեծացման կամ փոքրացման միջոցով կատարել ծավալատարածական գունային
կոմպոզիցիա:
Գնահատման չափանիշները.
ա) ստեղծագործության տեղադրումը թղթի վրա 0-2 միավոր
բ) ստեղծագործության մեջ երկրաչափական մարմինների բազմազանությամբ
արտահայտված դիմորդի երեւակայությունը 0-2 միավոր
գ) կատարված հորինվածքի գույների ներդաշնակությունը 0-3 միավոր
դ) աշխատանքի կատարողական հմտությունները եւ որակը 0-3 միավոր
Անհրաժեշտ նյութերը.
A2 չափի գծագրական թուղթ, 50x70 չափի պլանշետ, գծագրական պիտույքներ, երկու եռանկյուն
քանոն (45 ̊եւ 60/30 ̊ անկյուններով), կարկին, ջրային ներկեր (գունավոր մատիտներ եւ/կամ
ֆլոմաստերներ), վրձին:
Առաջադրանքների կատարման ժամաքանակը.
Ընդհանուր տեւողությունը 8 ակադեմիական ժամ, կազմակերպվում է 1 օրվա ընթացքում
(ընդմիջմանը դիմորդները մնում են քննասենյակում):
