ՀԳՊԱ ԳՅՈՒՄՐՈՒ ՄԱՍՆԱՃՅՈՒՂԻ ՈՒՍԱՆՈՂՆԵՐԻ ՀԱՄԱՐ ԿՐԹԱԹՈՇԱԿԻ ՄՐՑՈՒՅԹ

⬇ ԿՐԹԱԹՈՇԱԿԻ ՄՐՑՈՒՅԹ

2021 թվականի II կիսամյակի համար ուրախ ենք հայտարարել նոր կրթաթոշակային ծրագրի մասին, որն իրականացնելու ենք ամերիկյան Royal Pharmacy Drugs ընկերության հիմնադիր՝ դոկտոր Հայկ Սարգսյանի աջակցությամբ և անմիջական համագործակցությամբ։ Ծրագրով ընտրված ուսանողներ կստանան ուսման վարձի փոխհատուցման կրթաթոշակ ։

Ծրագրին կարող են դիմել միայն ՀԳՊԱ Գյումրու մասնաճյուղի վճարովի համակարգի ուսանողներ:

⬇ ԸՆՏՐՈՒԹՅԱՆ ՉԱՓԱՆԻՇՆԵՐ

Կրթաթոշակային ծրագրին կարող են դիմել ստորև սահմանված բոլոր չափանիշներին համապատասխանող ուսանողները.

· Ուսում առկա համակարգում՝ սկսած բակալավրիատի առաջի կուրսից և մագիստրատուրայի 1-ին և 2-րդ կուրսերում

· Բարձր առաջադիմություն

·Կամավորության և Նախաձեռնողականության հատկանիշներ

⬇ ԿՐԹԱԹՈՇԱԿԻ ՉԱՓ

Յուրաքանչյուր ուսանող կստանա կրթաթոշակ առավելագույնը 175,000 ՀՀԴ չափով: Կրթաթոշակ տրամադրելիս հատկացվող գումարի չափը կարող է տարբերվել դիմումատուի հայցած չափից՝համաձայն ծրագրի հանձնաժողովի որոշման:

⬇ ԿՐԹԱԹՈՇԱԿԱՌՈՒՆԵՐԻ ԸՆՏՐՈՒԹՅՈՒՆ

Ընտրության գործընթացը բաղկացած է 4 փուլից.

· Դիմումի փաստաթղթային փաթեթի ընդունում և համապատասխանություն սահմանված չափանիշներին

· ընտրական հանձնաժողովի գնահատում

· ընտրված կրթաթոշակառուների հաստատում հանձնաժողովի կողմից

Դիմելու համար անհրաժեշտ փաթեթը

1. Դիմումը՝ լրացված կից ձևի մեջ

2. Առավելագույնը 1 րոպե տևողությամբ տեսանյութի հղում (wetransfer, youtube, vimeo) կամ կրիչով/ առանց մոնտաժի/, որում խնդրում ենք ներկայացնել Ձեզ ՝ անդրադառնալով հետևյալ հարցերին՝

• Ի՞նչ եք անելու դուք Ձեր համայնքում մասնագիտություն ստանալուց հետո։

• Ինչո՞ւ է ըստ ձեզ անհրաժեշտ,որ այս դրամաշնորհը դուք ստանաք։

• Որտեղ եք տեսնում Ձեզ ավարտելուց հետո որպես մասնագետ և ինչ կուզենայիք փոխել ։

1. Ստեղծագործական պորտֆոլիո, որտեղ պետք ներառել CV և Ձեր արվեստային նախագծերի նյութեր, ստեղծագործություններ:

Կրթաթոշակային ծրագրին դիմելու համար անհրաժեշտ է նշված փաթեթն ուղարկել artacademygyumri@gmail.com էլ․ հասցեին մինչև ս․թ․ փետրվարի 22-ը ներառյալ՝ նամակի վերնագրում նշելով Կրթաթոշակի դիմում։

Ծրագիրը ֆինանսավորվում է ամերիկյան Royal Pharmacy Drugs ընկերության հիմնադիր՝ դոկտոր Հայկ Սարգսյանի կողմից:

👉 Դիմումի Ձև